Avanzan as obras do novo consultorio médico de Reboredo, en San Cibrao das Viñas

As obras rematarán previsiblemente ao longo do próximo ano, ofrecendo unhas instalacións modernas e accesibles

A alcaldesa de San Cibrao, Marta Nóvoa, visitou esta semana os traballos do futuro consultorio de Reboredo, que xa se atopan en plena fase de construción.

Este novo centro sanitario será un punto de atención clave para a veciñanza, reforzando os servizos de saúde no municipio e facilitando o acceso á asistencia médica de forma máis próxima e cómoda.

Segundo o calendario previsto, as obras rematarán ao longo do próximo ano, ofrecendo unhas instalacións modernas, accesibles e deseñadas pensando no benestar de todos os habitantes da zona.