Sociedade

Será o domingo, 15 de febreiro, coincidindo co desfile

Baños de Molgas prepara unha novidade para o Entroido deste ano. O domingo 15 de febreiro, ademais das tradicionais festas nas rúas, celebrarase por primeira vez o Xantar de Entroido, unha iniciativa para fomentar a convivencia e a participación da veciñanza.

A idea deste xantar, explican desde o Concello é xuntarse, compartir momentos alegres e facer que o Entroido sexa aínda máis grande para todos os veciños e visitantes.

Os tickets para participar xa poden adquirirse nos negocios da vila e dende o Concello anima a todos a vivir esta nova experiencia e a sumarse á celebración.

Ademais, como é tradicional, o desfile de Entroido terá lugar ás 17:00 horas, mantendo viva a festa nas rúas.