Educación

A contía das axudas será de 50 euros para os cursos de primaria e de 75 euros para os cursos de infantil (3,4, e 5 anos)

O Concello de Baños de Molgas puxo en marcha unha liña de axudas para os alumnos e alumnas do CEIP Baños de Molgas co fin de facilitar a compra de libros de texto e material escolar.

En total, nesta convocatoria, o Concello destina 1.800 euros, que se repartirán en axudas de 50 euros para os cursos de primaria e 75 euros para os cursos de infantil (3, 4 e 5 anos).

As solicitudes poderán presentarse ata o 30 de setembro. Para máis información, os interesados poden acudir ao Concello ou chamar ao 988 43 00 00.