Baños de Molgas ofrecerá actividades de conciliación a primeira semana de setembro

Haberá obradoiros de manualidades, xogos educativos, actividades en inglés, saídas, gymkanas e xogos de auga.

O Concello de Baños de Molgas poñerá en marcha do 1 ao 5 de setembro o programa “Concilia Setembro” 2025, dirixido a nenos e nenas de 3 a 12 anos. As actividades desenvolveranse en horario de 10:00 a 14:00 horas, con opción de atención temperá desde as 09:00 ata as 10:00 horas.

O programa inclúe manualidades, xogos educativos, actividades en inglés, saídas, gymkanas e xogos de auga, ofrecendo aos participantes unha semana chea de diversión e aprendizaxe.

As inscricións poden realizarse no Concello de Baños de Molgas ou chamando ao 988 43 00 00.