Baños de Molgas rehabilita a fonte e o lavadoiro de Fondodevila

O espazo levaba 35 anos en estado de abandono

Lavadoiro de Fondodevila, Baños de Molgas

O Concello de Baños de Molgas vén de rematar a rehabilitación da fonte e do lavadoiro de Fondodevila, que levaban 35 anos en estado de abandono. Con esta actuación recupérase un lugar que forma parte da historia local e da memoria dos veciños.

A intervención non é só un arranxo funcional, senón tamén un recoñecemento ás persoas que empregaron estas instalacións para lavar a roupa e socializar durante décadas.

Desde o Concello destacan que seguirán traballando na recuperación de espazos que contribúen a conservar a identidade e o patrimonio do municipio.