Axenda

O concerto forma parte do programa ‘Verán Cultural’, que ofrecerá durante todo o verán actividades no Parque dos Patos

Imaxe da presentación do Verán Cultural de Barbadás

Este xoves, ás 21:00 horas, o Parque dos Patos de Barbadás acollerá unha actuación de fado a cargo da artista Marlene Rodrigues. O concerto enmárcase no programa municipal ‘Verán Cultural’, que ofrece espectáculos cada semana durante os meses de verán.

Desde o Concello lembran que, en caso de mal tempo, a actuación trasladarase ao patio do CEIP Filomena Dato ou ao Auditorio da Casa da Cultura. O programa ten como obxectivo ofrecer actividades culturais abertas ao público durante as noites de verán.