Axenda

A actividade forma parte do Programa Exeria e está aberta a mulleres de todas as idades

Barbadás acollerá o mércores 27 de agosto o obradoiro “Espellos íntimos”, un espazo artístico e teatral dedicado á maternidade e aos coidados. A actividade, de balde e aberta a mulleres de todas as idades, terá lugar no Fonval ás 19:00 horas.

O obradoiro ofrece un espazo creativo e feminista para reflexionar sobre a experiencia de ser e coidar, utilizando o corpo, a palabra e a escena como ferramentas de expresión.
As interesadas poden obter máis información no propio concello ou a través do WhatsApp 685 211 882. A iniciativa forma parte do Programa Exeria – Espazo feminista para o empoderamento.