Barbadás celebra as Letras Galegas cos máis pequenos nas ‘Contadas no parque’
Os máis pequenos de Barbadás festexan as Letras Galegas co programa “Contadas no parque”, posto en marcha dende a Biblioteca Municipal do Concello.
As actividades comezan este mesmo mércores ás 18.30 horas no Parque da Casa da Cultura, cun contacontos titulado “O Grúfalo”, da man de Carmen Domech, dirixido a nenos e nenas de a partir de tres anos.
O xoves, 15 de maio, Sarabela Teatro levará a Barbadás a narración “O lápis de Martín”, para nenos de entre 5 e 9 anos, mentres que o día 22 será a quenda de Avelino González, coa narración “Paxariños”, para maiores de 6 anos. Por último, o xoves 29 de maio, terá lugar a última das “Contadas no Parque” coa narración “A corpo contado” de Charo Pita, para nenos de entre 5 e 9 anos.
Todas as actividades serán ás 18.30 horas no parque da Casa da Cultura e as persoas interesadas en inscribir ás súas crianzas poderán facelo por correo electrónico a través da dirección biblioteca@barbadas.es.