Sociedade

Será este mércores, 18 de marzo, e estará dirixido a nenos e nenas de entre 6 e 12 anos

Con motivo do Día do Cómic, a Biblioteca de Barbadás organiza un obradoiro creativo dirixido a nenos e nenas de 6 a 12 anos, onde poderán deseñar a súa propia banda deseñada. A actividade terá lugar o mércores 18 de marzo, en horario de 17:30 a 18:30 horas.

As inscricións poden realizarse a través do correo electrónico biblioteca@barbadas.es, indicando nome, idade e número de teléfono. A iniciativa pretende fomentar a creatividade e o interese pola lectura entre a rapazada da localidade.