Barbadás festexará a terceira edición da Foliada Letras Galegas
![Cartel da III Foliada das Letras Galegas de Barbadás](https://ourensexa.com/wp-content/uploads/2024/05/Cartel-da-III-Foliada-das-Letras-Galegas-de-Barbadas.jpg)
O Concello de Barbadás celebrará o venres 17 de maio a terceira edición da Foliada Letras Galegas este ano adicado á poeta e ensaísta Luisa Villalta.
A celebración, terá lugar no Parque dos Carrís, a carón do Polideportivo municipal, e contará con varios postos de productos artesanais, así como xogos e obradoiros lúdicos para os máis cativos.
A III Foliada contará coas actuacións da Banda Cultural de Barbadás, integrada polo alumnado da Escola Municipal de Música e con grupos como Lambisqueiras, Zoadeira e Cuncas de Son, que nos ofrecerán cantos e música tradicional.
Ás 14:30 horas, haberá un xantar popular, co menú de empanada, churrasco mixto con patacas fritas, criollo, ensalada, postre, bebidas, café e licores. Para rematar a xornada contarase coas actuacións da charanga BBB e unha gran queimada.