Cañita Brava dará o pregón do Entroido de Frei Canedo

O Entroido regresa un ano máis ao barrio ourensán da Ponte da man da Asociación Cultural Frei Canedo, que vén de anunciar que o pregón deste ano estará a cargo de Cañita Brava.

Será o vindeiro luns, 3 de marzo, a partir das 19.00 horas e, para este ano, a organización anuncia grandes sorpresas que serán avanzadas nos vindeiros días .

Entre as grandes novidades deste ano está a I Festa de Comadres do barrio da Ponte, que se celebrará na carpa do parque situado baixo a Ribeira de Canedo, o epicentro do Entroido no barrio. Por primeira vez, este evento, tradicionalmente reservado para confrades e persoas achegadas á asociación, estará aberto a calquera persoa que desexe participar.

A festa comezará cunha cea e continuará con actuacións musicais. O único requisito para asistir será acudir disfrazado de muller. Proximamente publicarase o menú, o prezo e os puntos de venda das entradas.