Catrocentos alumnos fórmanse ao ano na Escola Provincial de Gaitas de Ourense

Ourense

OurenseXa

O presidente provincial, Luis Menor, realizou unha visita á Escola Provincial de Gaitas da Deputación de Ourense, organismo que comezou a súa andaina, con estrutura académica, a mediados da década dos anos 80. Menor estivo acompañado polo director da Escola Provincial de Gaitas, Xosé Lois Foxo, e o director da área de Cultura da Deputación, Marcos Vázquez.

Na actualidade acoden a esta escola 400 alumnos que cursan estudos nas modalidades de gaita, pandereita, canto, percusión ou zanfona. Incluso entre o alumnado figuran persoas procedentes de Estados Unidos e Xapón, pero incluso hai outras 300 persoas que siguen clases desde outros moitos países a través de cursos online. De feito, ao longo de todos estes anos pasaron por esta escola ao redor de 25.000 alumnos dos cinco continentes.

O máximo expoñente da escola é a Real Banda de gaitas da Deputación, que ten ofrecido concertos por todo o mundo.

Nunha visita aos súas instalacións, o presidente provincial, Luis Menor, aproveitou para poñer a importante labor cultural que levan a cabo desde a escola, e felicitou aos alumnos “por deixar sempre o pavillón de Ourense moi alto, sendo como sodes unha magnífica representación de Ourense”, destacando que detrás dos seus espectaculares concertos “hai un duro traballo que é de agradecer”.