Sociedade

Será o 9 e 10 de marzo na Aula CeMIT

A Aula CeMIT de Celanova organiza os próximos días 9 e 10 de marzo un curso de Autonomía Dixital: Os teus primeiros pasos para trámites e conexión dixital, destinado a persoas que queiran aprender a usar o móbil de forma sinxela e segura para realizar xestións en liña, acceder a servizos e comunicarse no día a día.

A formación, que se impartirá en horario de 16:00 a 19:30 horas, permitirá aos participantes gañar independencia e seguridade na utilización das novas tecnoloxías. As persoas interesadas deberán inscribirse previamente chamando ao teléfono 988 431 604.