Celanova apraza ata este domingo Enterro da Sardiña por mor do tempo
O Concello de Celanova decidiu aprazar o tradicional Enterro da Sardiña, previsto para onte, Mércores de Cinza, debido ás condicións climatolóxicas adversas. A procesión trasládase finalmente ao sábado 22 de febreiro ás 13:00 horas.
A concentración manterase na Praza Maior, tal e como estaba previsto inicialmente, a partir das 20:00 horas. Desde alí partirá a comitiva fúnebre, que percorrerá distintas rúas da vila ata chegar á Praza do Rubí, onde terá lugar a queima da sardiña.
Ao longo do percorrido realizaranse varias paradas en diferentes puntos para cantar os responsos, mantendo así o carácter tradicional do acto.
Desde a organización animan ás persoas que desexen acompañar o cadaleito a acudir vestidas de loito, contribuíndo ao ambiente propio desta celebración que pon o punto final ás festas de Entroido.