Celanova será un dos pobos participantes no Grand Prix de 2025

Un total de 10 pobos competirán nesta nova edición do popular concurso televisivo

Celanova será un dos dez pobos participantes na edición de 2025 do Grand Prix. Así o confirmou este martes a corporación de RTVE. En total, serán dez as localidades que competirán por alzarse co título de gañadoras desta esperada edición do popular concurso televisivo.

Xunto coa vila ourensá, os outros nove pobos seleccionados son: Cubas de la Sagra (Madrid), Alagón (Zaragoza), Huelma (Xaén), L’Ollería (Valencia), L’Arboç (Tarragona), San Sebastián de la Gomera (illa da Gomera – Tenerife), Urduliz (Bizkaia), Peñaranda de Bracamonte (Salamanca) e Herencia (Cidade Real).

A edición deste verán estará presentada, como non podía ser doutro xeito, por Ramón García, que estará acompañado por Lalachus e Ángela Fernández.