Chega a Amoeiro a III Feira de Antigüidades e Artesanía

Ademais de stands de antigüidades e artesanía, a feira contará cun posto informativo e solidario da Asociación Protectora de Animais PROGAPE

O Pavillón de Deportes de Amoeiro acollerá este sábado e domingo 18 e 19 de outubro a III Feira de Antigüidades e de Artesanía, un evento que permitirá aos visitantes descubrir pezas únicas e produtos artesanais da man de distintos expositores.

Hoxe, a feira abrirá en horario de tarde, de 17:00 a 21:00 horas, mentres que o domingo estará aberta de 10:00 a 14:00 horas e de 17:00 a 21:00 horas. A entrada será gratuíta para todas as persoas interesadas en participar.

Ademais de stands de antigüidades e artesanía, a feira contará cun posto informativo e solidario da Asociación Protectora de Animais PROGAPE, permitindo coñecer de preto o labor desta organización.