Derradeiros días para matricularse nas Escolas Culturais de Allariz

O último día para anotarse será o 26 de setembro

O Concello de Allariz lembra que o prazo para matricularse nas Escolas Culturais para o curso 2025/2026 está aberto ata o 26 de setembro. As persoas interesadas poden apuntarse ás actividades da Escola de Música, como piano, linguaxe musical, música tradicional (gaita e percusión), guitarra, pandeireta ou música e movemento, así como ás clases de pintura para nenos e nenas.

As prazas son limitadas, polo que dende o Concello recomendan realizar a inscrición canto antes. Para máis información ou para formalizar a matrícula, pódese contactar coa Casa da Cultura de Allariz no teléfono 988 440 859 ou 607 592 016, ou no correo electrónico cultura@allariz.gal.