Sociedade

O prazo para enviar fotografías remata o 10 de xaneiro e ofrece premios únicos para as imaxes máis votadas

O Concello de Amoeiro anima á cidadanía a participar no seu I Concurso Fotográfico de Nadal, cuxo prazo de envío de fotografías finaliza o vindeiro 10 de xaneiro. O certame, dirixido a persoas de todas as idades, require que as imaxes estean tomadas exclusivamente no municipio de Amoeiro e inclúan algún elemento recoñecible do Nadal, como adornos, luces ou tradicións propias destas festas.

Os premios para as tres fotografías máis votadas inclúen unha estancia dunha noite para dúas persoas no Pazo de San Damián, un lote de viño da adega “Terras Mancas” e un lote de mel de “A Meleira de Trasalba”.

As bases do concurso e máis información están dispoñibles nas redes sociais do Concello de Amoeiro.