Ecos de Moura organiza unha nova edición do seu taller de Ecopercusión
O taller de Ecopercusión organizado pola Asociación Ecos de Moura regresa tras a boa acollida das edicións anteriores, ofrecendo unha forma distinta de experimentar a música a través do ritmo xerado con materiais reciclados e coa enerxía do grupo. A actividade, aberta a nenas, nenos e persoas adultas, celebrarase o próximo 14 de marzo na Escola de Moura, de 11:30 a 13:30.
O taller estará dirixido polo músico e percusionista Didier Díaz, quen guiará aos participantes para descubrir que “todo pode converterse en música”. A proposta enmárcase na celebración do Día Internacional da Muller e busca reforzar a creatividade, a comunidade e os encontros que fomentan a aprendizaxe e a diversión compartida.
Ao rematar a sesión, os asistentes poderán desfrutar de uns pinchos para conmemorar a data. A inscrición ten un custo de 5 euros para socias e 12 euros para non socias, e pode formalizarse contactando con Loli no 677 12 05 08.