Esgos acollerá dúas charlas do “Plan Maior Seguridade” dirixidas a persoas maiores
Esgos acollerá este mes de novembro un curso dirixido ás persoas maiores dentro do “Plan Maior Seguridade”, unha iniciativa do Ministerio do Interior destinada a previr os principais riscos que afectan ás persoas de máis idade.
As sesións celebraranse o mércores 19 de novembro ás 18:30 horas no Centro Cultural Parada Justel, e o xoves 27 de novembro ás 17:30 horas no local social de Pardeconde.
Durante os encontros, os axentes ofrecerán consellos prácticos para evitar estafas, roubos e outros delitos comúns, ademais de explicar como actuar no caso de ser vítima dalgún deles.
O programa busca tamén reforzar a confianza das persoas maiores nas Forzas e Corpos de Seguridade do Estado, promovendo a súa participación activa na prevención e mellora da seguridade no seu entorno.