Esgos presenta o programa completo do Entroido 2026
O Concello de Esgos presenta o programa para o Entroido 2026 con diversas actividades pensadas para todas as idades.
As festas comezan o venres 6 de febreiro cun obradoiro de coresmas na biblioteca ás 18:00 horas, unha actividade pensada para que grandes e pequenos poidan participar.
O venres 13 de febreiro, a festa do Entroido trasladarase ao Centro Cultural Parada Justel a partir das 18:00 horas, onde haberá música, diversión e chocolatada para todas as persoas que acudan disfrazadas. O domingo 15 de febreiro terá lugar o tradicional percorrido dos Felos e Madamas, que dará comezo ás 9:30 horas.
As celebracións continuarán o luns 16 de febreiro coa cita para o ensaio da coresma ás 23:59 horas, e rematarán o martes 17 coa poñeda da coresma, tamén ás 23:59 horas.