Eleccións

Ourense contará cun total de 14 deputados no Parlamento de Galicia

Cámara do Parlamento Galego

O resultado das elecciós ao Parlamento de Galicia deixa unha quinta mayoría absoluta para o Partido Popular, con 40 escanos, dous menos que en 2020. Pola súa banda, o BNG sube con forza nesta lexislatura, con 25 escanos, 6 máis que nas anteriores eleccións. O PSdeG, sen embargo, baixa 5, obtendo únicamente 9 escanos, mentres que Democracia Ourensana entra no Parlamento con un escano.

En Ourense, o PPdeG consolídase como a forza máis votada, obtendo un 49,9% dos votos (86.144), polo que consegue 8 deputados na provincia, seguido do BNG, cun 25,35% (43.758 votos) e 4 deputados. Pola súa banda, os socialistas obteñen só un escaño para a provincia de Ourense, igualados con Democracia Ourensana.

Deputados do Partido Popular por Ourense

1. Elena Rivo
2. Victoria Núñez
3. José González
4. Miguel Ángel Santalices
5. Gabriel Alén
6. Noelia Pérez
7. Antonio Rodríguez Miranda
8. Marisol Díaz Mouteira

Deputados do BNG por Ourense

1. Noa Presas
2. Iago Tabarés
3. Sonia Vidal
4. Secundino Fernández

Deputados do PSdeG-PSOE por Ourense

1. Carmen Rodríguez Dacosta

Deputados de Democracia Ourensana

1. Armando Ojea

Coñece mellor aos deputados por Ourense no Parlamento de Galicia:

PP

• Elena Rivo. Nacida en Ourense en 1971 e doutorada en Administración e Dirección de Empresas, foi tenente de alcalde no concello de Ourense entre 2003 e 2007 e conselleira de Promoción de Emprego e Igualdade dende o ano 2023. Ademais, e titular e investigadora en el Departamento de Organización de Empresas y Marketing en la Universidad de Vigo desde 1999.
• Victoria Núñez. Nacida en Ourense en 1975, preside a xestora local do Partido Popular en Ourense.
• José González. Nacido en Ourense en 1970, é licenciado en dereito pola Universidade de Santiago de Compostela e pertente ao corpo superior de inspectores de Facenda. Dende 2018, é conselleiro de Medio Rural da Xunta de Galicia.
• Miguel Ángel Santalices. Nacido en Bande en 1977, licenciouse en Medicina e Ciruxía pola Universidade de Santiago de Compostela. Forma parte do Comité de Dirección, do Comité Executivo do Partido Popular de Galicia e do Comité Executivo Provincial do PP de Ourense. Preside o Parlamento de Galicia dende 2016.
• Gabriel Alén. Nacido en Ourense en 1977, é Mestre especialista en Educación Física, foi alcalde de Cenlle entre 2011 e 2020 e delegado territorial da Xunta en Ourense durante a anterior lexislatura.
• Noelia Pérez. Nacida en Ourense en 1979, graduouse en Traballo Social pola Universidade de Vigo. Entre 2010 e 2011, desempeñou o cargo de concelleira do Partido Popular na Corporación Municipal de Ourense, é membro da Xunta Local do PP de Ourense cidade dende 2007 e é a voceira de Emprego do PPdeG no Parlamento.
• Antonio Rodríguez Miranda. Nacido en A Bola en 1967, é licenciado en Bioloxía pola Universidade de Santiago de Compostela e Técnico Superior en Prevención de Riscos Laborais. Dentro do partido, exerceu como secretario xeral de Emigración entre 2012 e 2020 e é o coordinador de Acción Exterior do PPdeG dende 2013.
• Marisol Díaz Mouteira. Nacida en Kelkheim (Alemania) en 1967, está licenciada en Dereito pola UNED. Forma parte do Comité Executivo do Partido Popular de Ourense e exerceu o cargo de delegada territorial en Ourense dende 2015 ata o pasado mes de xuño. É a voceira de Medioambiente e Educación no Parlamento.

BNG

• Noa Presas. Nacida en Ourense en 1987, é licenciada en Filoloxía Galega e Románica pola Universidade de Santiago de Compostela. Forma parte do Consello e da Executiva nacional do BNG coa responsabilidade de Acción Feminista e é deputada no Parlamento de Galicia dende a anterior lexislatura, durante a que foi voceira nas áreas de Economía, Facenda e Orzamentos e de Industria e Enerxía.
• Iago Tabarés. Nacido en Ourense en 1969, é licenciado en Dereito pola Universidade de Santiago de Compostela e é deputado no Parlamento de Galicia dende a pasada lexislatura.
• Sonia Vidal. Nacida en Xunqueira de Ambia en 1984 é gandeira de profesión e concelleira no concello de Xunqueira de Ambia.
• Secundino Fernández. Nacido en A Fonsagrada en 1967, é e nxeñeiro de Montes e enxeñeiro Técnico Agrícola. Foi alcalde de Viana do Bolo entre 2015 e 2020.

PSdeG-PSOE

• Carmen Rodríguez Dacosta. Nacida en Ourense en 1969, é licenciada en dereito e técnica de Prevención de Riscos Laborais. Foi delegada de persoal da Xunta de Galicia entre 2005 e 2009 e delegada de Persoal e Recursos Humanos de 2009 a 2023. Foi deputada do Parlamento de Galicia durante a última lexislatura.

DO

• Armando Ojea. Nacido en Vilar de Barrio en 1962, é licenciado en Física e foi profesor de música. Foi un dos ideólogos e fundadores de Democracia Ourensana e foi tenente de alcalde, concelleiro e deputado provincial de Ourense.