Finalizadas as obras na OU-0513 entre Rairo e O Cumial
A estrada provincial OU-0513, que conecta Rairo coa estrada comarcal de Cumial (OU-105), conta desde hoxe con novas beirarrúas e pavimento renovado tras as obras executadas pola área de Infraestruturas da Deputación de Ourense, que supuxeron unha inversión próxima aos 300.000 euros.
O presidente da Deputación, Luis Menor, supervisou os traballos e destacou que se trata dunha "notable mellora na seguridade tanto para peóns como para condutores". Menor lembrou que esta vía é a principal de acceso á cidade de Ourense desde O Cumial e que rexistra unha media diaria de tráfico superior aos 2.500 vehículos.
Durante a visita tamén participaron a directora da Área de Infraestruturas da Deputación, Marta Docampo, a concelleira Ana Méndez e o edil de Urbanismo e Obras Públicas, Francisco Lorenzo, quen agradeceu a colaboración da institución provincial "na mellora dunha entrada moi importante á capital".
Nunha primeira fase, os traballos consistiron na continuación dos percorridos peonís existentes e na ampliación das beirarrúas para mellorar a accesibilidade, nun tramo que vai desde a rotonda ao final da rúa Ramón Puga, dentro da nova urbanización de Barrocás. Esta fase supuxo unha inversión de máis de 48.000 euros e finalizou en xullo.
Na segunda fase, renovouse o firme dun tramo de 2,2 quilómetros, cunha inversión superior aos 241.000 euros, que rematou a finais do verán. Luis Menor subliñou que esta actuación é froito do "importante esforzo inversor realizado nos últimos anos en estradas provinciais, multi