Iván Ferreiro será o encargado de dar o concerto de presentación do Ouren Sound Fest 2025
O Ouren Sound Fest celebra este ano o seu décimo aniversario consolidándose como un referente no panorama galego. Con motivo dos seus dez anos de historia, para este ano a organización do festival prepara un concerto de presentación moi especial, que contará coa presenza de dous dos atritas máis importantes no panorama galego: Iván e Amaro Ferreiro. Ambos darán un concerto en acústico o vindeiro 11 de abril no Teatro Principal de Ourense.
O Ouren Sound dá comezo así ás actividades previstas para a esta nova edición, que terá lugar os días 22, 23 e 24 de maio no complexo deportivo de Monterrei, situado no Concello de Pereiro de Aguiar, que decidiu acoller o evento logo de que, o ano pasado, o alcalde de Ourense, Gonzalo Pérez Jácome, decidira non continuar cedéndolle as instalacións de Bemposta, onde tradicionalmente se viña celebrando.
O cartel deste ano está composto por artistas como Dani Fernández, Viva Suecia, Xoel López, Siloé, Sexy Zebras, Neverland Bari, Carlos Crespo & Kris K Djs, A Duendeneta, Guadi Galego, Ultraligera, Hoonine ou Gargantúa.