Luis Zahera será o encargado de dar o pregón nas Festas de Ourense
Luis Zahera será o encargado d dar o pregón nas Festas de Ourense, que se celebrarán do 18 ao 22 de xuño, coincidindo co remate do curso escolar, e contarán cunha nova ubicación. Terán lugar, segundo anunciou o alcalde de Ourense, Gonzalo Pérez Jácome, na zona do Pavillón dos Remedios, na rúa Pardo de Cela. Deste xeito, as festas abandonan o seu emprazamento tradicional, que sempre foi a céntrica Alameda de Ourense.
O pregón, segundo o anunciou o propio alcalde a través das súas redes sociais, será o 18 de xuño.
En canto ao programa, o alcalde anunciou que o cantante Justin Quiles será o encargado de actuar na noite do sábado, 21 de xuño. Pola súa banda, o coñecido cantante Nil Moliner dará un concerto o venres. Ambos actuarán na Avenida Pardo de Cela.