Sociedade

A Asociación de Comerciantes e Empresarios de Maceda premiou ao Centro de Día, ao Centro Sociocomunitario e ao I.E.S. San Mamede

O pasado luns, 2 de marzo de 2026, celebrouse no Salón de Actos do Concello de Maceda o acto de entrega dos premios aos gañadores do V Concurso de Mecos de Entroido, outorgados pola Asociación de Comerciantes e Empresarios de Maceda.

O premio ao meco entroideiro máis elaborado foi recollido por unha representación da dirección do Centro de Día de Maceda. O galardón ao meco máis entroideiro correspondéuselle a unha representación do Centro Sociocomunitario de Maceda, mentres que o premio ao meco de grupos foi recollido por unha representación do alumnado do I.E.S. San Mamede de Maceda.