Maceda repartiu 1.210 euros en premios en Comparsas e Carrozas do Entroido 2026
Maceda celebrou este martes o Desfile de Comparsas e Carrozas do Entroido 2026, no que se repartiu un total de 1.210 euros en premios entre as diferentes categorías do concurso.
Os disfraces individuais e os grupos de ata cinco persoas competiron por premios de 125, 75 e 50 euros, mentres que os grupos de seis ou máis participantes optaron a 175, 120 e 90 euros. Pola súa banda, as carrozas premiadas recibiron 250, 175 e 125 euros entre os tres primeiros postos, e todas as carrozas que non resultaron premiadas obtiveron un accésit de 40 euros.
Na categoría de individuais e grupos pequenos, os gañadores foron Bad Bunny e a súa Antonela en primeiro lugar, seguidos de Capitán Jack Sparrow e Sombrerero Loco. Entre os grupos de seis ou máis participantes, os primeiros postos foron para Hagan Juego, Los 40 Principales e Santa Estrella Galicia. Finalmente, na categoría de carrozas, Brétema da Ribeira Sacra levou o primeiro premio, seguida de Bosque Máxico e Tarxán e a súa Nai.