Máis de 150 voluntarios de Cruz Vermella en Ourense celebraron o seu vixésimo encontro anual
O ‘XX Encontro de Voluntariado de Cruz Vermella en Ourense’, que se desenvolveu no Teatro Lauro Olmo do Barco de Valdeorras, contou coa presenza de máis de 150 persoas voluntarias que desenvolven o seu labor nas diferentes asembleas comarcais da província de Ourense.
Só durante o ano pasado, a sede de Cruz Vermella en Ourense atendeu a máis de 18.000 persoas, ás que hai que engadir os máis de 8.600 participantes en actividades de sensibilización, entre as que destacan as de promoción da saúde, medio ambiente e as realizadas desde Cruz Vermella Xuventude.
Por áreas, a de Inclusión Social, que atendeu a máis de 12.200 persoas que precisaban axuda para cubrir as súas necesidades básicas. Ademais, preto de 400 persoas atoparon emprego a través dos seus proxectos, e máis de 1.400 persoas participaron nos cursos de orientación ao mercado laboral.