Manuel Seoane, José Antonio Pérez e José Luis Gavilanes, recoñecidos entre os primeiros alcaldes da democracia
A Federación Española de Municipios e Provincias (FEMP) rendiu esta semana homenaxe aos primeiros alcaldes e alcaldesas da democracia, nun acto celebrado na súa sede dentro do programa conmemorativo do 45º aniversario da súa creación. Entre os recoñecidos destacan os ourensáns Manuel Seoane Rodríguez, de A Peroxa, José Antonio Pérez Cortés, de Quintela de Leirado, e José Luis Gavilanes Losada, de Xunqueira de Ambía.
“Eles son quen fixeron posible a democracia desde o local, os que construíron os alicerces dun país democrático”, sinalou a presidenta da FEMP, María José García-Pelayo, durante a cerimonia.
Ademais dos alcaldes ourensáns, a FEMP homenaxeou a José Antonio González González, de Bercero (Valladolid), Claudino García, de Cantiveros (Ávila), José Luis Rico Hernández, de Marzales (Valladolid), Jesús Manso, de Moriscos (Salamanca), Ángel Escribano de San Antonio, de Valdunciel (Salamanca), Carlos Martín González, de San Martín de Pimpollar (Ávila), Pedro Moradell Puig, de Torroella de Fluvià (Xirona) e Luis Partida, de Brunete (Madrid).
O homenaxe forma parte das actividades conmemorativas da FEMP polos seus 45 anos, subliñando a labor destes primeiros rexedores locais na consolidación da democracia en España.