Medrando Amoeiro pon en marcha unha actividade interxeracional para fomentar lazos entre nenos e maiores
A Asociación Medrando Amoeiro presenta un novo proxecto interxeracional bautizado como “Apadrina a un abuelo”, co obxectivo de crear lazos entre nenos e persoas maiores do municipio mediante encontros mensuais nun espazo seguro, divertido e supervisado.
A iniciativa busca combater a soidade das persoas maiores, fomentar valores de respecto, empatía e solidariedade nos máis pequenos, transmitir cultura e memoria a través de anécdotas, cancións e xogos tradicionais, e establecer vínculos afectivos entre xeracións.
O primeiro encontro celebrarase o domingo 26 de outubro, de 17:00 a 19:00 horas, na Aula da Natureza. Poderán participar nenos a partir de 6 anos (os menores deberán acudir acompañados) e persoas maiores nacidas antes de 1955. Durante a actividade, os asistentes participarán en xogos tradicionais, rincón de historias, talleres de manualidades, cancións, adiviñas e outras dinámicas creativas compartidas.
A organización asegura que todos os encontros estarán sempre supervisados por monitores e responsables da asociación, nunca permanecerán soos un neno e unha persoa maior, e se formarán pequenos grupos fixos para favorecer os vínculos.
Desde Medrando Amoeiro destacan que o proxecto contribúe á integración social dos maiores, ofrece aos nenos unha experiencia educativa e emocional única, reforza os valores comunitarios e axuda a construír un pobo máis humano e solidario.
As persoas interesadas poden solicitar información ou inscribirse contactando coa asociación a través do correo medrandoamoeiro@gmail.com ou chamando ao 699 192 723.