O alumnado do CEE Manuel López Navalón entrega as estatuíñas de cerámica para os Premios do Festival Rebulir 2025
O Centro de Educación Especial (CEE) Manuel López Navalón fixo entrega este venres das estatuíñas e outros agasallos de cerámica, elaborados polo seu alumnado nos talleres de Formación Profesional, que serán os galardóns dos Premios do Festival Rebulir da Cultura Galega 2025.
A cerimonia estivo presidida polo conselleiro de Educación, Ciencia, Universidades e Formación Profesional, Román Rodríguez González, e contou coa presenza da directora xeral de Ordenación e Innovación Educativa, Judith Fernández.
Román Rodríguez felicitou ao profesorado e alumnado polo seu esforzo e dedicación na elaboración anual destas pezas, destacando que esta colaboración entre o CEE Manuel López Navalón e o Festival Internacional Rebulir, que mantense desde 2019, xa é unha tradición para estas datas.