O artista Dafer Planet realizará unha exhibición de graffiti en vivo na Casa da Mocidade de Barbadás
OurenseXa
A proposta, que permitirá ao público asistir en directo á creación dunha obra urbana, desenvolverase entre este mércores e o sábado
4 Mar 2026
O Concello de Barbadás organiza esta semana unha actividade artística na Casa da Mocidade coa celebración de “Graffiti Barbadás”, unha proposta que permitirá ao público asistir en directo á creación dunha obra urbana.
O artista Dafer Planet realizará unha exhibición de graffiti en vivo, ofrecendo unha experiencia visual única para todas as persoas que se acheguen ás instalacións municipais.
A actividade desenvolverase do 4 ao 7 de marzo na Casa da Mocidade de Barbadás, convertendo este espazo xuvenil nun punto de encontro para a creatividade e a expresión artística.