Cultura

‘Madeiras de Muller’ poderá verse ata o 31 de xullo na Casa da Cultura de Chantada

Exposición 'Madeiras de Muller'

A Casa da Cultura de Chantada inaugurou este martes a exposición ‘Madeiras de Muller’, unha mostra do artista ourensán Xosé Manuel Moxom. A exposición reúne arredor de 35 esculturas en madeira, entre pezas para colgar, de peana e de pé, que recollen diferentes épocas e orixes, creando un universo feminino particular.

Xosé Manuel Moxom, nacido en Ourense en 1964, é un escultor autodidacta con máis de 30 anos de experiencia na talla da madeira. O artista utiliza madeiras recollidas de encoros, camiños e leiras de toda Galicia, dándolles unha segunda vida a refugallos que transforma en obras únicas.

A exposición está aberta ao público durante todo o mes de xullo na Casa da Cultura de Chantada.