Axenda

As celebracións ocasionarán restricións de tráfico desde esta tarde e ata o próximo luns, 7 de abril

As festas de Barrocás regresan este venres cunha festa xuvenil que dará inicio ás celebracións e comezará ás 23:00 horas coa actuación de La Gramola.

O sábado, 5 de abril, La Gramola volverá protagonizar a sesión nocturna cunha actuación que comezará ás 20:00 horas. A misión subirá ao escenario ás 23:00 horas para presentar a súa nova xira e, ao rematar a orquestra, La Gramola continuará coa festa ata a madrugada.

O domingo haberá unha festa infantil ás 17:00 horas e ás 19:00 comezará a actuación do grupo Zona Zero. O luns, para rematar, será o Día do Neno, con descontos do 50% nas atraccións.

Cortes de tráfico

A celebración das festas ocasionará cortes e restricións de tráfico durante o fin de semana neste barrio da cidade, que afectarán á rúa Chano Piñeiro, onde estará instalado o escenario, e ao acceso aos números 2 e 4 desta rúa desde a rúa Serra do Eixo.

Chano Piñeiro terá habilitado durante estes 3 días un carril en sentido contrario ao habitual e contará cun cambio de sentido á altura do paso de cebra do número 6 da rúa. Tamén estará prohibido aparcar ao longo de toda a vía.

Os horarios dos cortes e restricións de tráfico serán diferentes cada día:

Venres, 4 de abril

• Desde as 17:00 horas non se poderá acceder desde a rúa Serra do Eixe aos números 2 e 4 da rúa Chano Piñeiro.
• Os vehículos poderán circular por Chano Piñeiro ata as 22:00 horas.
• Todos os accesos pecharanse desde as 22:00 ata as 4:30 horas.

Sábado, 5 de abril

• Desde as 10:00 horas non se poderá acceder desde a rúa Serra do Eixe aos números 2 e 4 da rúa Chano Piñeiro.
• Os vehículos poderán circular por Chano Piñeiro ata as 19:00 horas.
• Todos os accesos pecharanse desde as 19:00 ata as 4:30 horas.

Domingo, 6 de abril

• Desde as 14:00 horas non se poderá acceder desde a rúa Serra do Eixe aos números 2 e 4 da rúa Chano Piñeiro.
• Os vehículos poderán circular por Chano Piñeiro ata as 17:00 horas.
  Todos os accesos pecharanse desde as 17:00 ata as 22:00 horas.

Autobuses urbanos

Ademais, desde este venres e ata o luns, 7 de abril, as liñas do servizo municipal de autobuses urbanos que teñen o seu percorrido pola rúa Chano Piñeiro farán cabeceira na Rúa Carlos Velo. Así mesmo, a liña 4 "Barrocás - Residencia - Covadonga" fará o seu percorrido en dirección centro polas rúas Serra de San Mamede e Ramón Puga.