O Carballiño reparte hoxe 1.000 euros en premios para os mellores disfraces de comadres e compadres
Este venres, arrinca o entroido no Carballiño cunha novidadade importante, celebrarase o Venres de Comadres e Compadres, dende as 19h ata as 22h un photocall na Praza Maior, será o espazo escollido para que as mulleres vestidas de compadres e os homes vestidos de comadres sexan fotografiados para o concurso organizado pola hostalería do Carballiño, que conta con premios de 500 euros para cada un. A actividade é unha aposta do concello, de numerosos veciños e da propia hostalaría, que de forma decidida, participa na actividade
O xurado será a veciñanza, o compadre e a comadre máis votada, con máis "me gustas" no Facebook oficial do concello do Carballiño ata o día 23 de febreiro, serán os que leven o importante premio económico de 500 euros na súa categoría.
Unha famosa discoteca móbil acompañará a xornada con dous pases, un pensado para as familias de 20.30 a 21.30h e outro pase nocturno de 23.30 a 01.30h.
Asemade, unha carpa instalada na Praza Maior será a aposta local contra as inclemencias metereolóxicas.
Por outra beira, o sábado será o día dos máis cativos, que unha vez máis contará co concurso e a animacion infantil, cun baile de entroido pensado en introducir ós máis cativos na tradición do entroido. De mañá haberá un taller e pola tarde, tamén na Praza Maior, será a gran Festa para o público familiar. A carpa asegurará unha vez máis que a choiva non afecte á celebración.