Educación

As familias interesadas en coñecer as instalacións e o proxecto educativo que ofrece este centro poderán facelo este xoves e venres en horario de mañá

O CEIP Curros Enríquez de Celanova celebrará xornadas de portas abertas os próximos 26 e 27 de febreiro, en horario de 9:30 a 14:00 horas.

Durante estas xornadas, as familias interesadas poderán percorrer as instalacións do centro e coñecer en detalle o proxecto educativo que desenvolve este colexio público. A iniciativa pretende ofrecer aos pais e titores unha visión completa do contorno de aprendizaxe e dos recursos dispoñibles para o alumnado, así como facilitar información sobre a oferta educativa do centro.