O Centro Cultural Marcos Valcárcel inaugura hoxe “¡CLIC! Artesanía de la casualidad”
O Centro Cultural Marcos Valcárcel acolle hoxe, mércores 20 de marzo, a inauguración da da exposición “¡CLIC! Artesanía de la casualidad”, do fotógrafo ourensán Miguel Ángel López Rodríguez.
O autor explica que en 2020 o tradicional comercio de Foto Villar debe abandonar a que foi a súa localización desde 1930 nun antigo edificio da rúa do Paseo en Ourense. Tres xeracións de fotógrafos desta familia ocuparon un espazo que dará paso a vivendas de luxo tras a súa demolición. Esta mudanza serve para abordar o valor da fotografía como documento da transformación do espazo urbano; a importancia da súa catalogación e conservación; así como reflexionar acerca da evolución do labor do fotógrafo de prensa, un oficio en actual transformación. O vello edificio que alberga este negocio vai servir no documental como metáfora narrativa da profesión do fotógrafo de prensa: un oficio centenario que se reinventa fronte aos cambios actuais, reconstruíndo os seus cimentos e rexurdindo ante os novos desafíos que a sociedade contemporánea e os novos medios demandan.