O Centro Cultural Marcos Valcárcel organiza un obradoiro de colaxe para familias
O vindeiro 16 de marzo, o Centro Cultural Marcos Valcárcel da Deputación de Ourense ofrece un obradoiro de colaxe gratuito e destinado a familias, no que poderán participar rapaces de entre 6 e 12 anos, acompañados dun adulto.
O obradoiro, titulado “A vida interior”, estará dirixido polo artista Héctor Francesch, que expón actualmente nas salas do centro, e os traballos basearanse na súa obra, especialmente colorista e dinámica.
A participación no obradoiro terá carácter gratuito por riguroso orde de inscripción, que debe realizarse a través do correo electrónico do centro cultural.
Con esta actividade, a Deputación provincial de Ourense -a través do seu Centro Cultural Marcos Valcárcel- tenta achegar aos máis novos ao mundo da Cultura e das artes plásticas, fomentando a participación en familia.