O Centro de Saúde de Pereiro de Aguiar organiza a III Semana da Saúde con charlas abertas ao público
O persoal sanitario do Centro de Saúde de O Pereiro de Aguiar puxo en marcha a terceira edición da Semana da Saúde, que dará comezo este luns, 26 de maio. Estas actividades están dirixidas á promoción de hábitos saudables e á prevención de enfermidades.
Así, o luns ás 17.30 horas no centro de día de Os Gozos, terá lugar unha actividade titulada “Agásalle vida: Prevención da enfermidade renal e doazón de órganos”, unha charla impartida por Carmen Dorado, coordinadora de Alcer Ourense, e Raúl Añón, vicepresidente e voluntario da mesma entidade.
A actividade está organizada polo equipo sanitario do Centro de Saúde de O Pereiro de Aguiar e busca achegar á cidadanía información útil e accesible sobre temas de saúde relevantes para a poboación. A entrada será libre e gratuíta ata completar aforo.