Axenda

As proxeccións serán gratuítas e terán lugar ao longo da semana na Casa da Cultura

O Ciclo Mestre Mateo 2025 continúa en Allariz a partir deste luns coa mellor selección de documentais galegos na Casa da Cultura.

Este mesmo luns 13 de outubro, ás 11:30 horas, proxectarase ‘Aurora’, documental recomendado para maiores de 12 anos. O martes 14, á mesma hora, será a quenda de ‘Filmei paxaros voando’, tamén para maiores de 12 anos. Finalmente, o mércores 15 de outubro, ás 20:30 horas, proxectarase ‘Salvaxe, salvaxe, salvaxe’, recomendado igualmente para maiores de 12 anos.

O ciclo busca dar visibilidade ao cinema galego e achegar aos espectadores documentais de calidade en diferentes horarios.