O CIM de Pereiro de Aguiar dá a coñecer os gañadores do V Concurso de Debuxo polo 25N
O Centro de Información á Muller (CIM) de Pereiro de Aguiar deu a coñecer a resolución do V Concurso de Debuxos convocado para conmemorar o Día Internacional da Eliminación da Violencia contra as Mulleres, celebrado cada 25 de novembro. Esta iniciativa, dirixida ao alumnado dos centros educativos do municipio, busca fomentar a prevención, a concienciación e a sensibilización fronte á violencia de xénero, ao tempo que promove a creatividade e reflexión dos estudantes.
O concurso estivo aberto a estudantes de Primaria, desde 1º a 6º curso, e de Secundaria, de 1º a 4º curso, quen debían elaborar un debuxo, viñeta ou eslogan expresando o rexeitamento a calquera tipo de violencia de xénero. Os traballos gañadores serán utilizados para crear os carteis conmemorativos do 25N, que se repartirán entre os centros educativos participantes.
Na categoría de 1º a 6º de Primaria, o primeiro premio foi para Mauro B.F., alumno de 3º de Primaria do Colexio Ben-Cho-Shey. O segundo premio correspondeu a David D.R., de 6º de Primaria do Colexio Miraflores, e o terceiro premio foi para Uxía T.B.F., alumna de 4º de Primaria do Colexio Guillelme Brown.
Na categoría de Secundaria, o primeiro premio recaeu en Leiva C.V., estudante de 1º de ESO do Colexio Miraflores. O segundo premio foi para María F.C.A., de 4º de ESO, e o terceiro premio para Melani B.C., tamén de 4º de ESO, ambos do Colexio Miraflores.