O CIM Mancomunidade Santa Águeda organizará charlas gratuítas sobre aforro enerxético
O CIM Mancomunidade Santa Águeda, en colaboración coa Escuela de Energía Naturgy, porá en marcha un ciclo de charlas informativas gratuítas sobre aforro enerxético nos catro concellos que integran a mancomunidade: A Peroxa, Amoeiro, Coles e Vilamarín.
A iniciativa ten como obxectivo ofrecer á cidadanía ferramentas prácticas para optimizar o consumo eléctrico e reducir o gasto nos fogares. Durante as sesións abordaranse cuestións como a comprensión da factura da luz, a redución do consumo mediante pequenos cambios nos hábitos diarios, a elección de tarifas eléctricas segundo as necesidades de cada unidade familiar, así como información sobre o bono social e outras axudas dispoñibles.
As persoas interesadas en participar poden inscribirse a través do teléfono 988 286 184 ou no correo electrónico cimsantagueda@gmail.com.