O Circo das Estrelas chega a Ourense este domingo
O Circo das Estrelas chega ao Auditiorio Municipal de Ourense. A cita terá lugar este domingo, 14 de abril, ás 18.00 horas. Un orixinal espectáculo que mezcla teatro, circo e cabaret, onde os asistentes poderán gozar das acrobacias aéreas, bailes e comedia.
Sinopsis
O protagonista desta inesquecible historia chámase Romeo. Vindo de xeracións de renombrados artistas, ten un soño, gustaríalle converterse nun famoso showman internacional para non decepcionar aos seus antepasados.
Está rodeado de persoas extraordinarias, que o axudarán a realizar o seu soño demostrando toda a súa habilidade artística.
Pero a súa procura desesperada por conseguir o éxito faralle esquecer valores auténticos como o amor e a amizade, e atoparase coa gloria desesperadamente buscada nas mans, pero co corazón baleiro por non poder compartila con alguén que o ame!
Envolta nunha atmosfera máxica, ás veces surrealista, ás veces romántica, esta obra ofrece momentos de verdadeira poesía, sorprendentes xiros escénicos, incribles desafíos á lóxica e números cómicos hilarantes.