O club Salvour dará un curso de salvamento en Barbadás

A actividade terá lugar este xoves e será totalmente gratuíta

O club de salvamento e socorrismo de Ourense, Salvour, continúa co seu programa de Fomento Deportivo para achegar o deporte de salvamento a distintos puntos da provincia de forma totalmente gratuíta. A iniciativa conta coa colaboración da Deputación de Ourense.

Esta semana, a actividade fará parada en Barbadás, concretamente nas piscinas municipais, o xoves 3 de xullo ás 12:00 horas. As persoas interesadas en participar poden cubrir a folla de inscrición no Polideportivo Municipal ou directamente na piscina o propio día do evento.