O Concello de Coles organiza este martes un taller de nutrición

Trátase da derradeira actividade do ciclo de xornadas organizadas polo Concello de Coles co gallo do Día da Muller

Coles, Ourense

Este martes, 26 de marzo, ás 18.00 horas, terá lugar a derradeira actividade do ciclo de xornadas organizadas polo Concello de Coles co gallo do Día Muller, celebrado o pasado 8 de marzo.

Trátase dun taller de nutrición que terá lugar no salón de plenos do Concello, que pon o peche final ás conmemoracións no mes da Muller neste Concello.

As xornadas comezaron o pasado 8 de marzo coa inauguración da exposición fotográfica "Inmarcesibles" e extendéronse ao longo de todo o mes, onde se realizaron distintas actividades e talleres enfocadas á concienciar sobre a igualdade.