O Concello de Pereiro de Aguiar organiza un amplo programa de actividades para este Nadal

OurenseXa
Concursos, obradoiros, concertos, deporte e moitas máis actividades encherán a vila durante as festas
presentacion-programa-nadal-pereiro
30 Nov 2025

O Concello do Pereiro de Aguiar presentou esta semana a súa programación para estas festas de Nadal, cunha oferta variada de actividades para todas as idades.

Entre os eventos destacan concursos de Nadal con categorías para tarxetas, adornos e vídeos, ademais da invitación para que os veciños envíen fotos da decoración das súas casas ou do pobo.

Durante decembro haberá talleres de Nadal na Biblioteca para nenos e nenas de distintas idades, actividades deportivas como a Copa Deputación de Kung Fu ou as Olimpíadas de inverno no Pavillón Municipal, e mercadiños solidarios na Praza do Concello.

Tamén haberá actuacións musicais, como os concertos de Nadal no Auditorio dos Gozos e actuacións da Coral Terras de Aguiar en diferentes días e lugares. O 23 e 24 de decembro, os nenos poderán visitar a Papá Noel e participar en contacontos e actividades infantís, e o 31 de decembro celebrarase a III San Silvestre Solidaria.

Por último, xa en xaneiro, continuarán os talleres e as Olimpíadas de inverno, e o día 5 será a visita dos Reis Magos.

⚙ Configurar cookies
0.07461404800415