O concurso de decoración polo Orgullo de Allariz xa ten gañadores
O pasado 28 de xuño, o concello de Allariz convidaba a todas as persoas comerciantes e hostaleiras do municipio a unirse á celebración do Día Internacional do Orgullo LGTBI+ decorando e ornamentando os seus negocios coas cores do arco da vella.
Con esta iniciativa pretendíase, non só contribuír a unha causa importante, senón tamén dar máis visibilidade aos negocios participantes e premiar aos mellores escaparates decorados para esta ocasión.
Fai uns días, o xurado, composto pola concelleira de Benestar Social, a concelleira de Promoción Económica e o pintor Xaime González, pasaron polos negocios que participaron na decoración e esta semana deuse a coñecer aos tres gañadores, estando no primeiro posto a tenda de Teresa Quintana Atelier, seguido de Mara Collection e A Tenda do Pepiño en segundo e terceiro posto.