O Ateneo de Ourense acolle este luns a presentación de dous libros do escritor alaricano Roberto Fernández Álvarez

O acto será presentado polo psiquiatra Dr. David Simón Lorda, investigador da historia da medicina e autor do blog ‘Diario dun médico de guardia’

O Ateneo de Ourense acollerá este luns ás 19.00 horas a presentación de e dous libros do Dr. Roberto Fernández Álvarez, médico de Allariz, investigador e escritor. Será na sede provisional da agrupación, no Centro Cultural Marcos Valcárcel.

Trátase do libro ‘A inmoral doutora Cons’, onde narra o enfrontamento entre tradición e progreso a través da Medicina e que recibiu o XLI Premio Blanco-Amor de Novela, e do ensaio ‘Enfermos pobres, Médicos tristes: Historia crítica da medicina rural en terras esquecidas’, escrito na súa faceta de investigador, sobre a figura do médico rural.

O acto será presentado polo psiquiatra Dr. David Simón Lorda, amigo e investigador da historia da medicina, e autor do blog ‘Diario dun médico de guardia’