O espectáculo 'Pepa Loba' chega ao Auditorio da Peroxa este sábado

A obra, desenvolvida polo grupo “Eu Son”, revive a historia desta icónica figura da cultura galega, recoñecida pola súa valentía e o seu papel na tradición popular

O Concello da Peroxa, en colaboración coa Deputación de Ourense e a rede de auditorios provinciais ReaOU, organiza este sábado 4 de xaneiro ás 19.30 horas no Auditorio da Peroxa a representación teatral 'Pepa Loba'.

A obra, desenvolvida polo grupo “Eu Son”, revive a historia desta icónica figura da cultura galega, recoñecida pola súa valentía e o seu papel na tradición popular. O espectáculo combina música, actuación e tradición nunha posta en escena única que promete cativar o público asistente.

Esta iniciativa insírese na programación cultural de inverno do concello e busca promover a difusión da historia e identidade galega a través das artes escénicas. A entrada será libre ata completar aforo.