Cultura | Axenda

O público poderá ver en directo como se inspiran, crean e reinterpretan algunha das obras pertencentes á Colección de Arte Afundación

David Rubín

Afundación, a Obra Social de ABANCA, leva ao artista e ilustrador David Rubín á súa sede na cidade de Ourense. Trátase dunha actividade sincrónica no marco da macroexposición «Simultánea», unha proposta que se realiza ao mesmo tempo nas sete salas de Afundación das sete cidades galegas nas que se pode visitar o proxecto.

Así, destacados ilustradores e ilustradoras debuxarán en directo nas salas de «Simultánea». O público poderá ver en directo como se inspiran, crean e reinterpretan algunha das obras pertencentes á Colección de Arte Afundación. No caso de Ourense, a actividade, a cargo de David Rubín, terá lugar o vindeiro xoves 9 de xaneiro, a partir das 18.30 horas, con asistencia libre e de balde.